خطيبتي ماتت

خطيبتي توفت بقالها اسبوع ربنا يرحمها ويغفر لها ويسكنها فسيح جناته
للاسف كان في بينا تجاوزات وكنا ناويين نتجوز فعلا الفرح كان الشهر الجاي بعد العيد علطول والشقه وكل حاجه جاهزة وبكل اسف مكناش كتبنا الكتاب وفي كل مرة كنا بنقول مش هنعمل كده تاني لكن بنرجع تاني خطيبتي كنت بكلمها في الفون في نفس اليوم اللي ماتت فيه وكانت قاعده في الصاله مع اهلها رجعت راسها للخلف وتوفت بكل هدوء بدون اي سبب ومكنش

عندها
مرض الله يرحمها ويغفر لها انا يعلم ربنا حالتي عامله ازاي بس مينفعش اسأل حد يعرفني بشكل شخصي السؤال ده وكمان مش هاين عليا خطيبتي تتعذب دلوقتي وانا لسه قدامي الفرصه اني اتوب وهي ملحقتش تتوب فكنت بسأل هل في اي حل علشان ربنا يغفر لخطيبتي اللي كنا بنعمله مع بعض انا روحت لأهلها وعملت حوار ان في حاجه مهمه علي تليفونها تخص شغلي وخت تليفونها كان في بيني وبينها محادثات علي الفيس والواتس فيها تجاوزات مسحت كل ده ومسحت صورها من علي ايميلها بردو علشان خاطر صورتها قدام اهلها متتهزش ويعلم الله انها كانت محترمه سواء انا او هي كنا اول بخت بعض محدش فينا عمل التجاوزات دي مع حد تاني قبل كده بس اللي حصل بقي كده فاضل اني اعمل اي حاجه علشان ربنا
يغفر لخطيبتي اللي حصل انا سألت شيخ بقولو ينفع اروح اعمل عمره لخطيبتي المتوفيه علشان ربنا يغفر ليها ذنوبها قالي لا ملكش صفه لازم حد قريب ليها انتا ملكش صفه شرعيه انا من ساعة ما ماتت بوزع فلوس علي روحها علطول والنهارده روحتلها زورتها وقرأت قرآن ودعيت كتير ووزعت فلوس بردو بس خايف عليها من عذاب القبر اللي بنسمع عنه ده انا حمد لله ميسور ماديا وسهل ان اعمل اي حاجه سواء عمره او اي عمل خيري كويس بحيث ان ربنا يغفر ليها ذنوبها ياريت لو حد عنده حل اكون شاكر وادعولها بالرحمه لو تسمحو وربنا يصبرني لاني اول مرة احس بوجع فعلي في القلب مش مجرد حزن عادي