طليقي قال تخنتي حكايات بسمة

بسخرية مرعبة وفتح الملف
القانون فعلاً بيحمي الحق عشان كده المحامي بتاعي جاب تقرير التحاليل الطبية الرسمية الموثقة من مستشفى القوات المسلحة. يارا حامل في الأسبوع السادس عشر، يعني من 4 شهور بالظبط وأنت طالقها رسمياً وموثق في الشهر العقاري من 14 شهر!
كريم اتلجلج ووشه جاب ألوان
إيه إيه التقرير ده؟ دي أوراق مزورة!
آدم كمل وهو بيقرب منه أكتر
ومش بس كده يا كريم التقرير الطبي الكامل لحالتك أنت شخصياً، اللي استخرجناه بناءً على أمر النيابة العامة وسجلات المستشفى اللي كنت بتتعالج فيه من 3 سنين، بيكشف إنك بتعاني من عقم كامل ومستحيل تنجب أصلاً!
كريم اتجمد مكانه، الشائعة والخدعة اللي كان عايش فيها ومخبيها على خطيبته وعلى كل الناس انكشفت في ثانية قدام الكل!
خطيبته الشقراء وقفت بذهول وصرخت فيه
عقم؟! أنت كدبت عليا وقليت إنك سيبت يارا عشان هي اللي بتخلفش؟! أنت بني آدم مريض ونصاب!
يارا بصت لكريم بكسرة وقرف وقالت بثبات
أنت كنت فاكر إنك لما تتهمني وتشوّه سمعتي قدام رجل أعمال زي آدم هتكسرني؟ أنت ماكنتش تعرف إن ربنا كشف قذارتك وطمعك في نفس اللحظة اللي حاولت تؤذيني فيها.
آدم حط إيده على كتف يارا، وبص للشرطة وقال بصرامة
سيادة الضابط المتهم كريم أقدم على بلاغ كاذب ومحاولة ابتزاز وتشويه سمعة وشرف حرمي المستقبلية، بالإضافة لقضايا التهرب الضريبي اللي شركتي قدمت فيها مستندات كاملة للنيابة صباح اليوم.
الشرطة تقدمت وكلبشت إيدين كريم، اللي انهارت أعصابه وبدأ يصرخ ويترجى
يارا ارجوكي! سامحيني! أنا كنت أعمى وبغير لما شوفتك مع المنشاوي! ارجوكي بلاش السجن!
لكن آدم ما أدالوش أي فرصة، وسحبه رجال الشرطة بره الشركة وسط فضيحة قدام كل الموظفين والوسائل الإعلامية.
النهاية
اتحكم على كريم بالسجن بتهم البلاغ الكاذب والابتزاز والتهرب الضريبي، وخسر شركته وساعته الفخمة وخطيبته اللي سابته في نفس اليوم.
أما يارا فبعد شهرين أقيم حفل زفاف أسطوري بينها وبين آدم المنشاوي، وحضره كبار رجال الدولة والبنوك.
وبعد بضعة أشهر، اتولد طفلهم الجميل اللي ملأ حياتهم حب وأمان، وعرفت يارا إن السنين الصعبة اللي عاشتها مع كريم كانت مجرد اختبار من ربنا، عشان يعوضها بفرس أبيض ورجل حقيقي يعوضها ويحميها هي وابنها طول العمر.
تمت بحمد الله. ا
صلوا على النبي، والحق دايماً بيبان والظالم بيلف الزمن ويقع في شر أعماله