انا وحماتي حكايات بسمه
حماتي سكتت ثواني.
وبعدين ردت بحاجة خلتني أعرف إن المبلغ اللي جوزي كان بياخده مني كل شهر بحجة قسط قديم عليه مكانش بيروح لأي قسط أصلًا.
وقتها بس فهمت ليه حماتي كانت بتبصلي كل جمعة وهي بتحط البطاطس قدامي وتبتسم.
لكنها مكانتش تعرف إني سمعت كل حاجة.
حكايات بسمة
سمعت حماتي بتقول بصوت فيه كل الغل والقسوة
وما تتبعتهوش ليه؟! مش ده حق ابني اللي بيتعب وشقيان؟! الفلوس دي بتدخل في حسابه، ومن حق أمه تنعم بيها وبخيرها! وبعدين هي إيه اللي عرفها الفلوس بتتدفع فين؟! تحمد ربنا إن ابني مالي عينها ومديها اسم وعيلة!
أخت جوزي ردت عليها باستنكار وضيق
بس دي فلوس شغلها يا ماما! الفلوس دي مراته هي اللي بتشتغل بيها في شركتها وبتبعتهالك كل أول شهر على أساس إنها قسط شقتكم القديمة اللي أخويا قال إنه بيدفعه للبنك! لما تاخدي الفلوس وتجيبي بيها أكل ولحم وتمنعي منها صاحبة الفلوس نفسها، وتبخلي عليها بحتة فرخة قدام الناس بقلة قيمة... يبقى ده افتراء وظلم ربنا ما يرضاش بيه!
وقفت في الطرقة، حسيت بنار بتغلي في عروقي. التسجيل شغّال على الموبايل، وكل كلمة كانت بتنزل زي المرزبة على دماغي!
أربعة آلاف جنيه كنت بأقتطعهم من مرتبي وشغلي كل شهر، وأسلمهم لجوزي وأنا كلي حسن نية، فاكرة إني بساعده يسدد قسط البنك بتاع شقة أهله
مسكت الموبايل كويس، ودخلت المطبخ بثبات يرعب.
أول ما
شافوني، أخت جوزي اتخضت ووشها أصفر، وحماتي رفعت رأسها بكبر وقالت
إيه؟ دخلتي ليه تاني؟ مش شبعتي لحمة؟!
طلعت الموبايل وقفت التسجيل قدامهم، ودست على زرار التشغيل بصوت عالي.
صوت حماتي وصوت أخت جوزي خرج واضح في المطبخ وكل كلمة اتقالت اتسمعت بالحرف!
حماتي وشها جاب ألوان، والدم هرب من عروقها، وقفت مش عارفة تنطق كلمة واحدة. أخت جوزي حطت إيدها على بؤها من الصدمة.
أخدت الموبايل وخرجت بيه مباشرة على الصالة وسط العزومة والقرايب وجوزي قاعد بيتكلم.
جوزي بصل باستغراب
في إيه يا ندى؟ مالك؟
شغّلت التسجيل على أعلى صوت في نص الصالة قدام أخواته ومراتاتهم وقرايبه كلهم!
صوت حماتي وهى بتقول الفلوس دي بتدخل في حسابه، ومن حق أمه تنعم بيها... وهي إيه اللي عرفها الفلوس بتتدفع فين؟! اتدشّن في الصالة زي القنبلة!
الناس كلها سكتت، والمعالق اتعلقت في الهواء. الكل بص لبعضه بذهول وصدمة.
جوزي وشه اتخطف، وقام وقف مذعور
ندى! إيه التسجيل ده؟! أنتِ بتسجلي لماما في بيتها?!
بصيتله
لا يا المحترم! أنا بسجل لنفسي الحقيقة اللي أنت وأمك مخبينها عليا من سنتين! الأربعة آلاف جنيه اللي باقتطعهم من عرق جبيني ومرتبي كل شهر عشان تسدد قسط شقتكم للبنك... اتاريها مصروف للست الوالدة بتجيب بيه لحمة وفراخ وتعمل عزومات للعيلة، وتيجي عندي تعاملني كأني خدامة أو شحاتة على سفرتها وتحطلي بطاطس وتقولي دايت!
واحدة من قرايبهم شهقت
يا خبر أسود! الفلوس كانت من مرتب ندى?!
حماتي خرجت من المطبخ وهي بتصرخ وتلطم تحاول تداري الفضيحة
كذابة! دي بتتبلى عليا! الفلوس دي ابني هو اللي بيدهالي من خيره!
صرخت فيها بمنتهى القسوة والصلابة
كذابة إيه يا طنط؟! هو البنك مش له كشوفات وإيصالات؟! والتحويلات اللي من حسابي لحساب ابنك كل يوم 1 في الشهر مش موثقة بالدقيقة؟! أنتم استغفلتوني وأخدتم فلوسي بعتّوا بيها عزومات وفشخرة قدام الناس، وفوق كل ده كنتِ بتبخلي عليا باللقمة في بيتك عشان تصغريني وتكسري عيني قدام العيلة!
جوزي جه يقرب مني ومسك دراعي بلهفة ورعب
يا ندى اهدي... نتكلم في بيتنا، الموضوع فيه سوء فهم والله!
زقيت إيده بقوة وبعزيمتي كلها
مفيش سوء فهم يا أحمد! الفضيحة دي أنت وأمك اللي صنعتوها بافتراكم وكدبكم! الفلوس اللي أخدتوها مني طوال السنتين دول هترجعلي
أخت جوزي اتدخلت وهي بتعيط من الخزي
حقك علينا يا ندى... والله أنا كنت معترضة وبقول لأمي ده ظلم وميرضيش ربنا!
قلت لها وقرايبهم كلهم سامعين
الظلم لما يسكت عليه الراجل يبقى مشارك فيه! وأخوكي كان شايف أمه بتهينني كل جمعة وساكت، لأنه عارف إن الفلوس اللي طافحة بيها السفرة طالعة من جيب مراته!
أخدت ولادي من أيديهم، وشنطتي في إيدي، وخرجت من البيت ورأسي مرفوعة فوق للسماء، وسيبتهم في وسط الفضيحة والناس بتبص لهم بقرف واستنكار.
النهاية
من اليوم ده... الحياة اتغيرت تماماً.
جوزي حاول بكل الطرق يعتذر ويبوس إيدي ورجلي عشان ما أرفعش قضية للنصب، واضطر يكتبلي إقرار بالدين وردلي الفلوس كاملة على أقساط مخصومة من ذمته، وبقى يدفع ثمن غلطته وسكوته على ظلم أمه.
حماتي اتعلمت الدرس اللي عمرها ما هتنساه. الفضيحة قدام قرايبها وعيلتها كسرها، وما بقتش تقدر ترفع عينها في عيني ولا تنطق كلمة واحدة.
ورجعت كرامتي كاملة، وعرفت إن الست لما تكون صاحبة حق وقوية... ربنا بينصرها وبيكشف الكدب والاستغلال، ومهما حاولوا يصغروكي، الحق دايماً بيكبر صاحبه ويخليه مرفوع الرأس.
تمت بحمد الله.
صلوا على النبي، والحق دايماً بيبان
