طمع الاهل صافي هاني

بطلت أخاف
وساعتها موبايله رن
بص على الشاشة
وشه اتغير
مد إيده وقفل المكالمة بسرعة
لكن قبل ما يحط الموبايل في جيبه
أنا شفت اسم المتصل
كان اسم مدير البنك
وبعد ثواني
وصلتني أنا كمان رسالة
فتحتها
وقريت أول سطر
تم فتح تحقيق رسمي بخصوص مستندات القرض
رفعت عيني لأبويا
وقلت
واضح إن الحكاية لسه ما خلصتش
لأن البنك اكتشف حاجة أنا نفسي ما كنتش أعرفها
حاجة لو طلعت صح
هتخليني أكتشف إن كل السنين اللي فاتت
ما كنتش أنا اللي بصرف على أمي وأبويا بس
أنا كنت بسدد ديون شخص تالت
وشخص أنا عمري ما توقعت إنه يكون له علاقة بالعيلة.
حكايات_صافي_هاني
حصرياً
فتحت الرسالة مرة تانية وأنا مش مستوعبة اللي مكتوب قدامي
تم فتح تحقيق رسمي بخصوص مستندات القرض
بصيت لأبويا وقلت
مين الشخص التالت؟
أبويا ما ردش
أمي بصت له بسرعة
النظرة دي لوحدها كانت إجابة
قلت
إنتوا الاتنين عارفين
أبويا قعد على الكنبة تاني وحط إيده على وشه
ولأول مرة من يوم ما دخل بيتي حسيت إنه مش أبويا اللي داخل يفرض نفسه
كان راجل خايف
قلت له
مين؟
رفع عينه وقال
خالك
اتجمدت
خالي؟
قال
أيوه
بس قبل ما تسأليني اسمعيني للآخر
خالك كان داخل في مشروع من سنين
وخسر فلوس كتير
وكان عليه ديون
أنا وأمك حاولنا نساعده
وبعدين الموضوع كبر
كبر لدرجة إن البنك رفض يديله قرض جديد
فسألت
فحطيتوا اسمي؟
أبويا سكت
صرخت
حطيتوا اسمي من غير ما تعرفوني؟
أمي قالت بسرعة
إحنا كنا عارفين إنك هتوافقي
بصيت لها وأنا مش مصدقة
قلت
هوافق؟
إنتوا حتى ما سألتونيش!
أبويا قال
كنا خايفين ترفضي
ضحكت بمرارة
طبعًا هرفض
لأنكم لو سألتوني كنت هقول لأ
سكت شوية وبعدين قلت
والفلوس اللي كنت ببعتها لكم كل شهر؟
أمي بدأت تعيط
وأبويا قال
جزء منها كان بيروح للقرض
حسيت إن الأرض بتتهز تحت رجلي
يعني كل مرة كنت بحرم نفسي من حاجة
كل مرة كنت بقول مش مهم أشتري هدوم
مش مهم أخرج
مش مهم أعيش زي باقي الناس
كنت بسدد قرض شخص تاني؟
مسكت راسي بإيدي
وقلت
طب خالي فين؟
أبويا ما ردش
قلت بصوت أعلى
خالي فين؟
أمي قالت
سافر
سافر من سنتين
سافر؟
وسابكم؟
قالت
سابنا بكل حاجة
ديون ومشاكل وأوراق
وبعدين بصتلي وقالت
وإحنا ما كانش قدامنا غيرك
بصيت لها طويلاً
وقلت
لا
كان قدامكم تختاروا الصراحة
لكنكم اخترتوا تستغلوني
أبويا قام وقال
إحنا غلطنا
قلت
الغلط مرة
إنما اللي حصل معايا سنين
ده كان قرار
وفجأة جرس الباب رن
التلاتة بصينا ناحية الباب
أبويا قال
مين هييجي دلوقتي؟
روحت فتحت
ولاقيت راجل في بدلة واقف ومعاه ملف
قال
مدام ليلى؟
قلت
أيوه
طلع بطاقة وقال
أنا من البنك
وجاي بخصوص ملف القرض
بصيت ورايا
أبويا كان واقف مكانه
والدم هرب من وشه
الراجل دخل وقعد وحط الملف على الترابيزة
وقال
قبل ما نبدأ
لازم أوضح لحضرتك إن البنك اكتشف توقيعًا تم تقديمه باسمك في مستندات القرض
قلت
توقيعي؟
قال
أيوه
فتحت الملف
وشفت صورة العقد
والتوقيع كان شبه توقيعي جدًا
لكن أنا متأكدة إني ما مضيتش
رفعت عيني لأبويا
قلت
إنت اللي عملت كده؟
قال بسرعة
لا
والراجل قال
إحنا مش بنقول إن والدك هو اللي زور التوقيع
أنا بصيت له
قلت
طب مين؟
فتح صفحة تانية
وقال
عشان كده محتاجين نسأل حضرتك سؤال واحد
هل في حد تاني من العيلة كان عنده وصول لأوراقك القديمة أو صورة بطاقتك؟
فجأة أمي شهقت
وبصت لأبويا
أبويا فهم قبل ما أنا أفهم
وقال
ابن خالك
سكت الراجل
وبعدين قال
ده احتمال وارد
لأن الشخص اللي قدم المستندات كان عنده نسخة من بطاقة حضرتك
قلبي بدأ يدق بسرعة
قلت
يعني خالي مش الشخص الوحيد اللي استفاد من القرض؟
الراجل قفل الملف وقال
للأسف
في تحويلات من حساب القرض لحساب شركة تانية
والشركة دي مرتبطة بشخص قريب جدًا منكم
قلت
مين؟
بصلي وقال
ابن خالك
أنا رجعت خطوة
يعني خالي وابن خالي كانوا متورطين؟
لكن لسه فيه حاجة مش راكبة
بصيت لأبويا وقلت
طب إنت كنت عارف إن ابن خالي بيعمل كده؟
أبويا سكت
وسكوته كان أقوى من أي إجابة
قربت منه وقلت
كنت عارف؟
قال بصوت ضعيف
عرفت بعدين
قلت
وبعدين؟
قال
خفت أقولك
ضحكت وأنا دموعي نزلت
قلت
كنت خايف عليا؟
أنت كنت خايف على نفسك
الراجل من البنك بدأ يجمع أوراقه
وقال
مدام ليلى
حضرتك مش مطالبة تدفعي أي مبلغ إضافي لحد ما التحقيق يخلص
ولو ثبت إن التوقيع مزور
المسؤولية هتتحول للشخص اللي قدم المستندات
وأنا لأول مرة حسيت إن نفسي رجع
لكن قبل ما يمشي
وقف وقال
في حاجة تانية لازم تعرفيها
قلت
إيه؟
قال
التحقيق كشف إن القرض الأول مش هو المشكلة الأكبر
في قرض تاني
باسمك
أنا حسيت إن وداني بطلت تسمع
قلت
قرض تاني؟
قال
أيوه
وأكبر من الأول بأربع مرات
بصيت لأبويا
أبويا قعد مكانه
وأمي حطت إيدها على بوقها
أما أنا
فوقفت قدامهم وأنا مش عارفة أعيط ولا أصرخ
لأن السؤال الوحيد اللي كان بيدور في دماغي
إزاي أنا عايشة كل السنين دي
وبسدد ديون
أنا أصلًا ما أخدتهاش؟
وفجأة البنك قال الجملة اللي قلبت كل حاجة
والقرض التاني اتصرف بالكامل في يوم واحد
ثم فتح الملف
وقال
وعندنا اسم الشخص اللي استلم المبلغ.
بصيت للورقة
وقريت الاسم
وتجمدت مكاني
لأن الاسم اللي كان مكتوب قدامي
كان اسم
أمي.
حكايات_صافي_هاني
حصرياً
.. فضلت باصة للاسم كام ثانية وأنا مش قادرة أستوعب
أمي؟
بصيت لها وقلت
إنتي استلمتي الفلوس؟
وشها اصفر
وقالت بسرعة
أنا ما استلمتش حاجة
راجل البنك فتح الملف وقال
الحساب باسم حضرتك
أمي هزت راسها بعنف
لا والله ما أعرف عنه حاجة
بصيت لأبويا
قلت
قول حاجة
لكنه كان ساكت
قربت منه وقلت
إنت عارف
رفع عينه وقال
أنا عارف جزء
صرخت
جزء إيه؟
قال
الحساب ده اتفتح من سنين
وكان بيتحط فيه فلوس باسم والدتك
قلت
مين كان بيستخدمه؟
سكت
راجل البنك قال
حسب المستندات اللي عندنا
كان فيه تفويض باستخدام الحساب
وبص لأبويا
التفويض باسمك أنت
أمي بصت لأبويا كأنها شايفة شخص غريب لأول مرة
وقالت
إنت عملت إيه؟
أبويا بدأ يتكلم
لكن صوته كان ضعيف
أنا كنت بحاول أحل مشاكل خالك
أمي صرخت
بفلوسي؟
قال
كنت مضطر
رديت عليه
وأنا؟
أنا كنت بشتغل ليه؟
ليه كنت كل شهر تاخدوا مني فلوس وتقولولي دي مصاريف البيت؟
ما حدش رد
راجل البنك قام وقال
مدام ليلى
أنا هسيب لحضرتك نسخة من المستندات
لكن لازم تتصرفي بسرعة
لأن فيه أقساط متأخرة
وأي محاولة للتصرف في أصول مرتبطة بالحسابات دي ممكن تعتبر تهرب من السداد
أخدت الملف
وقلت
أنا مش هسدد جنيه واحد
قبل ما أعرف مين عمل إيه
خرج الراجل
وقفل الباب وراه
وبقيت أنا وأمي وأبويا لوحدنا
أمي كانت بتعيط
وقالت
أنا والله ما كنت أعرف
بصيت لها وقلت
طب ليه كل مرة كنتي تطلبي مني فلوس؟
قالت
أبوك كان بيقول إن البيت عليه ديون
لفيت لأبويا
وقلت
يعني حتى أمي كنت بتكدب عليها؟
أبويا قعد وحط راسه بين إيديه
وقال
كنت فاكر إني هعرف أصلح كل حاجة
ضحكت بمرارة
إنت ما كنتش بتصلح حاجة
إنت كنت بتدفن مشكلة تحت مشكلة
وفجأة موبايلي رن
رقم غريب
رديت
الو؟
صوت راجل قال
ليلى؟
قلت
أيوه
قال
أنا ابن خالك
سكت
وبعدين قال
قبل ما تروحي للبنك
لازم تسمعيني
قلت
إنت فين؟
قال
مش مهم
المهم إن أبوكي مش قالك كل حاجة
بصيت لأبويا
وقلت
إنت سامع؟
صوته جه من التليفون
قال
خالو كان عارف إن القرض باسمي
لكن هو اللي طلب مني أعمل نسخة من بطاقتك
أبويا قام واقف
وقال
اقفل التليفون
أنا تجاهلته
وقلت لابن خالي
ليه؟
قال
لأن خالك كان بيهددني
ولو ما عملتش كده
كان هيضيعني معاه
قلت
والفلوس راحت فين؟
سكت ثواني
وبعدين قال
في حساب مش باسم أمي
ولا أبوكي
ولا خالك
قلت
أمال باسم مين؟
قال
باسمك إنتي
قلبي وقف
قلت
إيه؟
قال
في حساب استثماري اتفتح باسمك من سبع سنين
وكل الفلوس اللي اتسحبت من القروض اتحولت عليه الأول
قبل ما تروح لأي مكان تاني
بصيت لأبويا
وقلت
إنت عملت حساب باسمي؟
أبويا ما ردش
وابن خالي كمل
والأغرب إن الحساب ده
كان بيطلع منه مبلغ ثابت كل شهر
لمدة سبع سنين
قلت
لمين؟
قال
هقولك
بس لازم تقابليّ
لو روحت للبنك دلوقتي
كل الناس دي هتدخل في قضية
وأنا كمان
قلت
ومين قالك إني مش عايزة القضية تبدأ؟
قال
لأنك لو عرفتي مين كان بياخد المبلغ كل شهر
هتندمي إنك فتحتي الموضوع
قفلت المكالمة
بصيت لأبويا
وقلت
مين كان بياخد فلوس من حسابي؟
فضل ساكت
أمي بصت له
وبعدين قالت
رد عليها
أبويا رفع عينه
وقال جملة واحدة
جملة خلتني أحس إن كل حاجة في حياتي كانت كذبة
أنا كنت بحول الفلوس لشخص كان المفروض ما يعرفش إنك موجودة أصلاً.
وقبل ما أسأله مين
موبايلي وصلته رسالة جديدة
فتحتها
ولاقيت صورة قديمة جدًا
صورة ليا وأنا رضيعة
واقف جنبي راجل غريب
وتحت الصورة رسالة قصيرة
أبوك مخبي عنك الحقيقة من يوم ما اتولدتي.
رفعت عيني لأبويا
وقلت
مين الراجل ده؟
أبويا بدأ يعيط
وقال
ده
أخوكي.
حكايات_صافي_هاني
حصرياً وقفت مكاني كأني اتثبت في الأرض
قلت