مخمرية مسحورة بقلم حور حمدان
ما العلامة دي تغير حياتنا للأبد.
طلعت شقتي انا وعمتي لان اهلي متوفين وأنا جسمي كله بيرتعش كنت حاسة إن روحي تقيلة وخنقة ماليه صدري.
قربت من أوضة عمتي بخطوات بطيئة وفضلت واقفة على الباب أسمع صوتها وهي بتقرأ قرآن
استنيت شوية وبعدين خبطت.
فتحت الباب وبصتلي بنظرة غريبة نظرة برود وخبث متخفي
خير يا حور إيه اللي جابك
بلعت ريقي بصعوبة وقلت
عايزة أفهم يا عمتي إيه اللي حطيتيه على إيدينا يوم الخطوبة العلامة دي طلعتلي أنا وزين وشكلها مرعب والدكتور قال دي مش حاجة طبيعية.
سكتت شوية وبعدين ضحكت ضحكة قصيرة فيها ريحة استهزاء
دي بس مخمرية بتتحط للبركة هو انتو مكبرين الموضوع ليه
صوتي طلع مكسور
مخمرية إيه بس شكلها غريب والدكتور نفسه قال مفيش تفسير طبي ليها إنتي حطيت حاجة تانية
شفت عينيها بتلمع للحظة وبعدين قالت بنبرة متوترة
خلاص
اتسمرت مكاني قلبي كان هيقع
يعني انتي عملتي فينا عمل ولا سحر!
ما تقوليش كده! دي مش سحر دي بس حاجة تقوي الرباط وتحمي من الحسد
قلت بحدة ودموعي في عيني
حرام شرعا يا عمتي! إنتي كده آذيتينا مش حميتينا! اللي بيحمي الإنسان ربنا مش خرافات ستات!
للحظة شفت الخوف في وشها ما ردتش وأنا قلبي اتملى يقين إن اللي حصل ده غلط وكارثة.
رجعت أوضتي وأنا دموعي مش عايزة تنزل مديت إيدي ولمست العلامة حسيت إنها عبء تقيل مش بركة.
فوني رن وكان زين كان صوته متهدج
حور أنا روحت للشيخ قالي الكلام ده حرام شرعا دي وسيلة شرك بالله وقال لازم نتخلص منها فورا وإلا هنفضل متأذيين في حياتنا كلها
اتنفست بصعوبة
أنا عرفت يا
لازم نلحق نفسنا الشيخ قال هنشرب مياه مقروء عليها قرآن ونكسر الرباط بالدعاء والرقية وإحنا هنبدأ النهارده مفيش تأجيل
قلت وأنا دموعي بتنزل
أنا خايفة حاسة إني اتلوثت بحاجة غريبة بس مش هقبل أعيش مربوطة بسحر ربنا هو اللي بيجمع القلوب مش خرافات الناس.
رد عليا بثقة
وأنا معاكي وهنطلع منها بإذن الله احضري معايا عند الشيخ بالليل هنبدأ الرقية الشرعية وبعدها هنرمي أي حاجة لها علاقة بالسحر ده
فضلت طول اليوم اقرأ قرآن في أوضتي قلبي بينهار وبيرجع يقوى ودماغي كلها دعاء
يارب خلصني من الأذى ده وطهر حياتي وحياة زين
بالليل روحت مع زين للشيخ قعدنا قدامه وكل واحد فينا ماسك ميه مقروء عليها
الشيخ قرأ آيات من القرآن وحسيت بدفا غريب بيغسل قلبي وبيطرد الخوف
قال
اتطمنوا
سمعت الكلام وأنا بحس إن روحي بتتطهر
شربنا الميه وغسلنا إيدينا بيها وفضل الشيخ يقرأ لحد ما حسيت بثقل العلامة بيروح
وفعلا بعد أيام العلامة بدأت تخف وتختفي تدريجيا
بعد أسبوع كانت إيدينا رجعت زي ما كانت
قعدنا سوا على البحر والهوى بيعدي في وشنا زين مسك إيدي وقال
شايفة ربنا نجانا وربطنا ببعض بدون أي سحر ولا علامة
ابتسمت ودموعي بتنزل من الفرحة
الحمد لله الحب الحقيقي مش محتاج خرافات ولا أعمال إحنا مع بعض بإرادة ربنا وبس
رد
وإرادة ربنا هي اللي هتفضل حافظانا طول العمر
وبصيت للسماء وقلبي أخيرا اتملى سلام
دي كانت أكبر علامة في حياتي مش على جلدي لأ علامة جوه قلبي
إن مفيش أمان إلا مع ربنا ومفيش رابط إلا
تمت
مخمرية_مسحورة
حكاوي_كاتبة
حور_حمدان
