شقه حماتى اماني السيد
المحتويات
السرير، سحبتها وبدأت ألم فيها كل حاجة تخصني.. لبسي، دهبي، وشهاداتي.. كل حاجة بتثبت إن رغدة كانت موجودة في البيت ده.
كنت بلم حاجتي وأنا سامعة صوت ضحكهم فوق بيزيد، وصوت المعالق وهي بتخبط في أطباق الفطار.. فطارهم اللي كان المفروض يبقى من إيدي وتعب شقايا.
قليت في بالي والله ما هقعدلكم فيها ثانية واحدة.. شبعوا ببعض وبشقتكم الجديدة، بس حساب الخمس سنين دول هناخده، تالت ومتلت.
قفلت الشنطة وسحبتها ورايا وطلعت برة الشقة. وأنا بقفل الباب، حسيت إني بقفل صفحة سوء وظلم عشتها ومكنتش شايفة حقيقتها. نزلت السلم بخطوات ثابتة وقوية، مفيش دموع، ومفيش رجفة.
وأنا بفتح باب العمارة الخارجي، لقيت حماتي نازلة على السلم تشتري حاجة. أول ما شافت الشنطة في إيدي، عينيها برقت وقالت بلهجة كلها شماتة ولؤم
على فين يا رغدة يا بنتي؟ واخدة شنطتك ومروحة لبيت أبوكي عشان تلوي دراع يوسف؟ فكري كويس يا حبيبتي، يوسف مش هيركعلك، وعروسته الجديدة مالي مالي عينه وقلبه.
وقفت مكاني، وبصيتلها من فوق لتحت ببرود وثقة خلت الضحكة تهرب من وشها، وقولتلها بصوت هادي وراسي
أنا مش هقعد ألوي دراع حد يا حماتي.. يوسف خلاص بقى ماضي ورخص من نظري، والشقة اللي أنا وضبتها وتعبت فيها وكنتوا بتستغفلوني عشانها.. خلوها تشبعكم.. بس افتكري كويس، دعوة المظلوم ملهاش حجاب، والقرشين اللي يوسف وفرهم من شقايا وتغفيلكم ليا.. هتدفعوا تمنهم غالي أوي ومن صحتكوا وراحتكوا.
سيبتها واقفة بوقها مفتوح ومبرقة من الذهول، وسحبت شنطتي وطلعت للشارع.. الهوا النضيف خبط في وشي،
ركبت أول تاكسي قابلني، رميت الشنطة في الشنطة ورا، وركبت وأنا حاطة راسي على الشباك وببص للشوارع وهي بتجري من جنب
وصلت بيت أبويا.. الباب اتفتح، وأول ما أمي شافتني بالشنطة دي ووشي اللي باين عليه معالم حرب نفسية، شهقت وحطت إيدها على صدرها
رغدة! يا بنتي في إيه؟ ومالك جاية بشنطة هدومك كده ليه ويوسف فين؟ مش المفروض زمانه وصل من المطار؟
دخلت الشنطة، وقعدت على الكنبة بتنهيدة طويلة، وجالي أبويا على الصوت وهو مخضوض. بصيت لهم وقولت بكل هدوء برود الدنيا كله في صوتي
يوسف رجع يا بابا.. رجع بمراته الجديدة وابنه اللي عنده سنتين.. وحماتي كانت مخلية الشقة الجديدة اللي هديت حيلي فيها وبنضفها وبفرشها بالحلل والملايات عشان ست الحسن والجمال تدخل على الجاهز.
أمي لطمت على صدرها وبدأت تدعي وتتحسبن، وأبويا وشه اتقلب وجاب ألوان من الغضب وعروق جبهته برزت
الواطي قليل الأصل! بقالنا خمس سنين صاينين غيبته وبنتنا تخدم أمه وهو متجوز ومخلف وسايبك زي الوقف؟ والله ما هعديلهاله، أنا هروحله وأجيب حقي وحقك وحق شقاكي من عينه!
حطيت إيدي على إيد أبويا، وبصيتله بعيون مفيهاش دمعة واحدة، عيون فيها قوة وتصميم
لأ يا بابا، بالله عليك ما تروح ولا تبهدل نفسك مع ناس بالرخص ده.. يوسف وأمه ميستاهلوش إنك تقف قدامهم وتزعق وتضيع هيبتك وصحتك عشانهم. يوسف تمنه عندي بقى أرخص من التراب.. بس حقي وحق الخمس سنين دول، وحق دهبي وشقايا وكل مليم صرفته وصان بيته بيه، هاخده بالقانون وتالت ومتلت.. ومحامين البلد كلهم هيتحاكوا بالقضية دي.
أبويا بصلّي بذهول وفخر في نفس الوقت، كأنه مكنش متوقع إن بنته الهادية المطيعة هتقف الوقفة دي.. طبطب على كتفي وقال
وعز
سندت راسي على كتف أبويا وأنا ببتسم بمرارة ونصر.. من الليلة دي، رغدة القديمة، المطيعة اللي بتمسح وتكنس وتخدم وتسمع الكلمة وتصبر على الغربة والقلة، ماتت ودفنتها في الشقة اللي فوق.. ومن بكره، هتبدأ مرحلة تانية خالص، هعرفهم فيها مين هي رغدة لما تقرر تاخد حقها.
من النجمة، كلمت واحد من قرايبنا محامي معروف بثعلب المحاكم، اسمه الأستاذ عادل. روحتله مكتبه أنا وبابا، وقعدت معاه وحكيتله كل التفاصيل من طقاطق لسلام عليكم.. من أول جوازي من 5 سنين، ودهبي اللي يوسف خده مني بحجة إنه هيشغلهوله بره، لشغلي وخدمتي لسلفتي وحماتي، لحد اللعبة الأخيرة بتاعة الشقة وضرتي مي.
الأستاذ عادل سمعني وهو بيسند ضهره لورا وبيبتسم ابتسامة ثقة وقاللي
بصي يا رغدة.. القانون ما بيحميش المغفلين، بس بيحمي الست اللي بتعرف تلعب صح وبذكاء. إحنا مش هنعمل شوشرة ولا هنروح نتشاكل معاهم في الشارع. إحنا هنضربهم في مقتل.. في القرش اللي هما بيموتوا فيه.
رتبنا الخطة سوا، وبدأنا التنفيذ فوراً ومن غير ما هما يحسوا بأي حاجة
1. ضربة القايمة قائمة المنقولات
أول حاجة عملناها كانت قض..ية تبديد منقولات زوجية. ودي في القانون المصري جنحة عقوبتها السجن!
القايمة بتاعتي كانت مكتوب فيها كل صغيرة وكبيرة بأعلى الأسعار.
الأستاذ عادل رفع القض..ية وعملهم إنذار رسمي بضرورة تسليم المنقولات في قسم الشرطة.
لو يوسف ما سلمش العفش زي ما هو، أو حاول يماطل.. حكم السجن هيكون مستنيه فوراً.
2. محضر إثبات الحالة والطلاق للضرر
يوسف اتجوز عليا
المؤخر بتاعي كامل وكان مبلغ كبير بابا كاتبنا بيه زمان.
نفقة العدة والمتعة اللي بتتحسب على أساس دخله بره بالعملة الصعبة.
نفقة زوجية متجمدة عن الفترة اللي فاتت.
3. قض..ية الدهب
يوسف كان واخد دهبي عشان مصاريف السفر .. بس الحمد لله، بابا كان مخليه يمضي على وصل أمانة بقيمة الدهب وقتها عشان يضمن حقي.
الوصل ده لو نزل المحكمة يا رغدة، يوسف مش هيشوف الشمس تاني إلا لما يدفع تمن الدهب بسعر النهاردة!.. ده اللي قالهولي المحامي وهو بيضحك.
لحظة الصدمة الكبرى
بعد حوالي أسبوعين، والباشا عايش في العسل فوق مع عروسته الجديدة في الشقة المتكيفة، نزلت عليهم الصدمة زي الصاعقة!
تليفوني رن.. كان يوسف. صوته كان بيرعش وضايع منه كل البرود والغرور اللي كان بيكلمني بيه
رغدة! إيه القضايا والمحاضر اللي مبعوتالي على البيت دي؟ أنتِ اتجننتي؟ عايزة تحبسيني وتبددي عفشي؟ وتطالبي بفلوس الدهب بسعر النهاردة؟ ده أنا أموت فيها!
رديت عليه بكل برود وثقة وسخرية
أهلاً يا بشمهندس.. معلش أصلي كنت مشغولة شوية بفرش حياتي الجديدة زي ما فرشت شقة الست مي! القضايا دي مجرد تسخين.. انا كده لسه ببدأ .
حاول يدخل حماتي في الخط، ولقيتها بتتصل بيا وهي بتعيط وتصرخ
حرام عليكي يا رغدة.. خربتي بيت ابني وسمعتنا في وسط المنطقة! الناس بتقول يوسف عليه حكم حبس بسبك كده مش هيعرف يسافر تانى
قولتلها بضحكة عالية سمعتها من التليفون
جرى إيه يا حماتي؟ مش كنتِ بتقوليلي الغيرة تاكلك؟ أديني سبتلكم الشقة والغيرة، وأخدت مكاني القانون.. ويلا بقى اجهزي عشان
متابعة القراءة
