مراتى ورثت 500 الف جنيه رومانى مكرم
المحتويات
نزلت أنا وعادل أخو عبير عشان نعرض الشقة ل البيع ونجيب سمسار يعاينها. الشقة كانت في مكان حيوي جداً وتمنها يعمل مبلغ محترم. السمسار جه وعاين، وقالنا الشقة لقطة يا جماعة، وتجيب رقم كبير في السوق دلوقتي، وخلال يومين هجيب لكم المشتري الجاهز ب فلوسه.
ارتحت جداً وحسيت إن الأمور بتتحل ب سلاسة والكل راضي. ورجعت البيت ب الليل وأنا مطمن.
بس وتاني يوم العصر، وأنا قاعد مع عبير والعيال ب نخطط ل شكل حياتنا الجديدة ب ال 500 ألف اللي في البنك والقرشين اللي هيفضلوا من بيع الشقة، تليفوني رن.. كان رقم عادل أخو عبير الكبير.
فتحت الخط وأنا مستني يقولي السمسار لقى مشتري، بس صوت عادل كان مقلوب 180 درجة، ونبرته فيها صدمة وغضب هز أركان الأوضة وهو بيقولي
الحق يا حسن.. السمسار كلمني، وبيقول إن الشقة ال 250 متر عليها قرار إزالة ومشاكل في المحاضر من سنين، وأبويا الله يرحمه مكنش يعرف، وفوق كل ده، في واحد حاطط إيده على الشقة وغير كالون الباب ورافض يدخل أي حد!
حكايات رومانى مكرم تابعو صفحه رومانى مكرم
الجزء السادس
الدم هرب من عروقي، والتليفون كان هيقع من إيدي وأنا بسمع كلام عادل. بصيت ل عبير اللي كانت قاعدة جنبي ومبتسمة، وحسيت إن الدنيا بتلف بيا.
قولت ل عادل بصوت متوتر والكل مذهول أنت بتقول إيه يا عادل؟ قرار إزالة إيه ورجل مين اللي حاطط إيده عليها؟ الشقة دي أبوك الله يرحمه شاريها من سنين طويلة وورقها كله سليم ومقفولة ومحدش دخلها!
عادل زعق في التليفون وعروقه باينة من صوته أنا مش فاهم حاجة يا حسن! السمسار راح يفتح الباب للمشتري اللي معاه، لقى الكالون متغيّر، ولما خبط، طلعله راجل ضخم ومعاه اتنين وبتقولوا الشقة دي بتاعتنا وإحنا واضعين يد عليها من شهور، ومعانا ورق يثبت.. ولما السمسار هدد بالشرطة، الراجل قاله أعلى ما في خيلكم اركبوه، والشقة دي عليها قرار إزالة أصلاً من الحي عشان العمارة فيها خلل في الأدوار الأخيرة! أنا مستنيك عند الشقة فوراً يا حسن، مش هسيب حق أبويا يضيع!
قفلت السكة وأنا ببلع ريقي ب صعوبة. عبير وقفت وشها جاب ألوان وقالت ب لهفة في إيه يا حسن؟ أخويا عادل ماله؟ والشقة مالها؟
مقدرتش أخبي عليها، قولت لها وكل كلمة بتطلع ب مرار عادل بيقول إن الشقة في حد حاطط إيده عليها ومغيّر الكوالين، وبيقولوا إن عليها قرار إزالة من الحي.. أنا لازم أنزل فوراً أشوف المصيبة دي!
عبير صرخت ولطمت على صدرها يا مصيبتي! حد يسرق شقا أبويا؟ قرار إزالة إيه؟ ده أبويا ميت وهو فاكر إنه مأمننا! أنا جاية معاك يا حسن!
نزلت أنا وعبير زي المجانين، وطول الطريق مكنتش بوقف تدوير في دماغي.. مين ده اللي يتجرأ ويحط إيده على شقة مقفولة وباسم ناس؟ وإزاي حكاية قرار الإزالة دي مظهرتش وقت إعلام الوراثة وقسمة الورث؟
وصلنا العمارة، لقيت عادل واقف تحت وبيلف حوالين نفسه وزي المبرشم من كتر الغضب، وجنبه السمسار ووشه مقلوب. أول ما عادل شافنا، جِري علينا وقال الكلاب قفلوا الباب من جوه ورافضين يفتحوا، والسمسار سأل في الحي ب معرفته،
عبير عيطت وقالت يعني إيه يا عادل؟ الشقة ضاعت؟ شقا أبويا بح؟
طلعت أنا وعادل على السلم والدم ب weيغلي في عروقنا. وصلنا الدور بتاع الشقة، وبدأت أرزع على الباب ب كل قوتي افتح يا اللي جوه! افتح بدل ما أهد الباب فوق دماغك! دي شقة ملكنا وبورق رسمي!
بعد كام دقيقة من الرزع والزعيق، الباب فتح حتة صغيرة ب السلسلة، وظهر من وراه وش راجل غليظ الملامح، وبص لنا ب برود وقال عايزين إيه يا شطار؟ وبتزعقوا كده ليه؟
عادل زقه وقال افتح يا حرامي يا نصاب! دي شقة أبويا الله يرحمه، أنت مين ودخلت هنا إزاي؟
الراجل ضحك ب سخافة وفتح الباب على وسعه، وظهر وراه اتنين رجالة متبتين في الصالة وكأنهم أصحاب المكان، وقال ب ثقة تامة أبوك مين يا شاطر؟ الشقة دي إحنا شاريينها ب عقد بيع ابتدائي وصحة توقيع من شهور، من صاحب العمارة الأصلي اللي كان بايع لأبوك! وأبوك الله يرحمه مكملش الأقساط اللي عليه وفي بند بفسخ العقد.. وإحنا وضع يد دلوقتي، والورق اللي معاكم بلوه واشربوا ميته، وفوق كل ده الشقة صادر ليها قرار إزالة يعني متسواش ملعوب!
عبير صرخت فيه أنت كداب! أبويا دافع تمنها قرش ب قرش، ومعانا الوصلات كلها! أنت نصاب وبتحط إيدك على شقة ناس ميتة!
الراجل كشر وأسلوبه اتقلب ل بلطجة كلمة زيادة وهرميكم من على السلم! ورونا هتعملوا إيه.. أعلى ما في خيلكم اركبوه، والمحاكم بيننا، عقبال ما تقضوا عشر سنين في المحاكم تكون العمارة اتهدت! وقام قفل الباب في وشنا ب قوة لدرجة إن الحيطة اتهزت.
وقفنا في الطرقة مشلولين، الصدمة كانت أكبر مننا كلنا. عادل قعد على السلم وحط راسه بين إيديه أبويا يضحك عليه؟ أبويا يتنصب عليه في السنين الأخيرة من عمره وميقولناش؟
عبير كانت ب weتبكي ب حرقة، وأنا وقفت أفكر.. الجوازة اللي اتصلحت، والشقة اللي كنا هنشتريها ل شيرين وطه، وحلم الأمان اللي عاشت فيه عبير، كله اتهد في ثانية وبقينا في مواجهة مع بلطجية وقرارات إزالة ومحاكم.
أخدت عبير وعادل ونزلنا على قسم الشرطة فوراً عشان نعمل محضر إثبات حالة وتعدي على ملكية، وقضينا الساعات اللي وراها بين المكاتب والأوراق، والكل ب ببيقولنا موضوع وضع اليد والعقود الابتدائية ده ب بياخد وقت طويل في المحاكم، والحي لو نفذ القرار هيهد الأدوار المخالفة والشقة ه تروح!
رجعنا ب الليل والكسرة باينة على الكل. عادل سابنا وروح وهو مش قادر يتكلم، ودخلت أنا وعبير بيتنا وإحنا مهدودين. عبير اترمت على السرير وهي مش قادرة تنطق، حلم الشقة التمليك ل شيرين طار، وحقها نفسه بقا في علم الغيب.
تاني يوم الصبح، تليفوني رن.. كانت أمي.
بصيت للشاشة وخفت أرد، أمي مستنية أخبار السمسار والمشتري عشان نفرح شيرين، ومش عارف هقولها إيه! فتحت الخط ب صوت مخنوق أيوة يا أمي.
أمي قالت ب لهفة وفرحة أيوة يا حسن يا حبيبي.. طه جاب أهله وبيرتبوا عشان ينزلوا يشوفوا الشقق مع عادل والسمسار، وطه بيفكر في شقة قريبة
غمضت عيني وقولت والدموع ب weتخنقني ادعيلنا يا أمي.. الشقة طلعت مسروقة وفيها قرار إزالة، وفي بلطجية قاعدين جواها!
أمي شهقت من الصدمة، وفي نفس اللحظة، لقيت عبير قايمة من على السرير وعينيها حمرا من قلة النوم، وبصتلي وقالت ب صوت مبحوح بس فيه نبرة غريبة وجامدة
حسن.. سيبك من أمك دلوقتي واقفل السكة. ال 500 ألف جنيه بتوعي اللي في البنك.. أنا هسحبهم كلهم بكره، بس الفلوس دي مش ل شيرين وطه، الفلوس دي ليها سكة تانية خالص، وأنا اللي هجيب حق أبويا ب إيدي!
وقفت مكاني والتليفون لسه في إيدي، وصوت أمي طالع منه وهي ب weتنادي ب فزع حسن! حسن! في إيه يا ابني؟ شقة إيه اللي اتسرقت وبلطجية إيه؟ رد عليا يا حسن!
قفلت السكة من غير ما أرد، وعيني اتعلقت ب عبير. ملامحها كانت متغيرة تماماً، الضعف والدموع اللي كانوا مغرقين وشها من كام ساعة اختفوا، وحل مكانهم نظرة جمود وقوة أول مرة أشوفها في عينيها.
قربت منها وقولت ب لجلجة تفتحي سكة إيه يا عبير؟ وهتسحبي ال 500 ألف جنيه تعملي بيها إيه؟ إحنا في مصيبة، والبلطجية معاهم ورق وعقود، والمحاكم بتاخد سنين، والحي ممكن يهد في أي لحظة! هتعملي إيه ب الفلوس؟
عبير بصتلي وقالت ب حسم ونبرة ناشفة الفلوس دي شقا أبويا برضه يا حسن، وأنا مش هسيب شقا عمري التاني يضيع في المحاكم وورق القوانين اللي ب بياخد سنين عقبال ما يرجع حقنا وتكون العمارة اتهدت. الراجل البلطجي اللي جوه الشقة ده قالي أعلى ما في خيلكم اركبوه.. وأنا هركبه يا حسن. الفلوس دي هسحبها عشان أجيب بيها ناس تعرف تاخد الحق ب دراعها، طالما الحق مبيجيش ب الذوق!
مسكتها من كتافها وقولت ب رعب أنتِ اتجننتي يا عبير؟! هتاجري بلطجية قصاد بلطجية؟ كدا هندخل السجن، والموضوع ه بيبوظ أكتر! إحنا ملناش في السكك دي، وعادل أخوكي مش هيوافق على الكلام ده!
عبير زقت إيدي وقالت ب عناد عادل طيب، وفضل قاعد على السلم حاطط راسه بين إيديه بيبكي على اسم أبوه اللي اتداس. أنا مش هقعد أبكي.. أنا هكلم عادل وهفهمه، والفلوس فلوسي وأنا حرة فيها. لو الحكومة هتاخد وقت، أنا مش هسيب الراجل ده يتهنى ب سرير أبويا ودولابه ليلة واحدة كمان!
ملحقتش أرد عليها، لقيت الباب بيخبط خبط ورا بعضه ب عنف. جريت فتحت، لقيت عادل واقف ووشه عرقان وعينيه حمرا، ودخل الصالة وهو ب بيلهث وقال حسن! عبير! أنا عرفت الراجل اللي جوه الشقة ده تبع مين!
عبير قربت منه ب لهفة تبع مين يا عادل؟ انطق!
عادل قعد ونفخ ب ضيق السمسار قلب الدنيا وسأل وعِرف.. الراجل ده اسمه صابر العقرب، وده مبيشتغلش من دماغه، ده ب بياخد فلوس من صاحب العمارة الأصلي عشان يطفش سكان أو يحط إيده على الشقق اللي أصحابها ماتوا وورقها مش مسجل شهر عقاري! صاحب العمارة بايع الشقة لأبويا من 15 سنة ب عقد ابتدائي، ولما أبويا مات، استغل إننا مسجلناش الشقة رسمي، وضرب عقد جديد ب تاريخ قديم ل صابر العقرب عشان يثبت وضع يد، وحكاية قرار الإزالة دي هما اللي مقدمين فيها
عبير ضحكت ب مرار وقالت يعني اللعبة ملعوبة صح.. صاحب العمارة والبلطجي متفقين علينا.
عادل هز راسه ب حزن آه يا أختي.. والسمسار بيقولي صابر العقرب ده مسنود، ومحدش بيعرف يخرجه من مكان حط رجله فيه إلا ب حكم قضائي نهائي، وده ب بياخد من 3 ل 5 سنين في المحاكم.. ده لو العمارة متهدتش ب قرار الإزالة اللي ب بياكلوا بيه عيش في الحي!
عبير بصت ل عادل وقالت ب قوة مش هنقعد 5 سنين يا عادل. أنا هسحب ال 500 ألف جنيه بكره، وهنشوف صابر العقرب ده هيقعد فيها إزاي.
عادل برّق عينيه وقال هتعملي إيه يا عبير؟ إياكي تفكري في السكك الشمال، إحنا طول عمرنا عايشين ب الحلال وأبونا ربينا على الأصول!
عبير زعقت والأصول بتقول إننا نسيب شقا أبونا ل الحرامية يا عادل؟! طالما هما ب بيلعبوا ب الصياعة، إحنا لازم نوريها لهم!
فضلت واقف بينهم وحاسس إن البيت بيتحول ل ساحة حرب. قولت ل عادل اسمع يا عادل.. سيبك من كلام عبير دلوقتي، إحنا بكره الصبح هنروح ل محامي كبير بيفهم في قضايا العقارات والشهر العقاري، ونشوف المحضر اللي عملناه في القسم وصل لإيه، ولازم نتحرك ب القانون الأول، لو القانون سد، ساعتها نشوف حل تاني.. بس بلاش دم وبلاش مشاكل تودينا ورا الشمس.
عادل وافقني وقال صح يا حسن، أنا هكلم محامي صاحبنا بكره الصبح ونتقابل عنده.
عبير سكتت ومدرتش عليا، بس نظرة عينيها مكنتش مريحة أبداً، وحسيت إنها بتخطط ل حاجة من ورا ضهري.
تاني يوم الصبح، نزلت أنا وعادل ورحنا للمحامي، وقعدنا معاه وشرحنا له كل حاجة ب التفصيل ووريناه عقود أبو عبير ووصولات الأقساط كاملة. المحامي بص في الورق وهز راسه وقال الورق سليم 100، بس المشكلة في وضع اليد. صابر العقرب والناس اللي معاه قاعدين جوه الشقة، والشرطة مش هتطردهم ب المحضر ده، لازم نرفع قض..ية طرد للغصب وبطلان العقد الجديد، وده ب بياخد وقت.. وحكاية قرار الإزالة دي لازم نعمل عليها إشكال وقف تنفيذ في مجلس الدولة فوراً عشان نمنع الحي إنه يهد لحد ما القض..ية تخلص.
عادل قال ب قلق والكلام ده ب بياخد وقت قد إيه يا متر؟
المحامي قال الشهور ب بتجر شهور يا عادل يا ابني، لازم تصبروا.
خرجنا من عند المحامي وإحنا رجلينا مش شايلانا. كلمت طه خطيب شيرين عشان أفهمه الوضع وميفتكرش إننا بنتهرب منه، طه قال ب جدعنة يا حسن يا اخويا، فداكم أي شيء، والشقة والفلوس تروح وتيجي، المهم أبلة عبير ترجع حق أبوها، وأنا وشيرين مستنيين، والشبكة والدبلة مش هتطلع من البيت، إحنا معاكم في المرة قبل الحلوة.
كلام طه ريحني شوية، وحسيت إن فيه ناس أصيلة في الدنيا. رجعت البيت العصر وأنا عاوز أطمن عبير إن المحامي هيعمل إشكال لوقف قرار الإزالة.
فتحت باب الشقة ودخلت، ونديت عبير! يا عبير!
محدش رد. دخلت الأوضة ملقتهاش، والعيال كانوا عند أختها. بصيت على التسريحة، لقيت دفتر الشيكات وكارت البنك بتوع عبير مش موجودين! قلبي سقط في رجلي..
مسكت التليفون وطلبت رقمها، الخط كان ب بيدي جرس بس مفيش رد.
عادل قال ب
متابعة القراءة
