قريبة جوزي حكايات صافي هاني

بصتلي وقالت
والشقة دي فيها السبب الحقيقي اللي خلاه يفضل يدور ورايا لحد النهارده
يتبع
محمود أخد المفتاح من إيد سلمى وبصله باستغراب
إنتي عايزانا نروح شقته؟
سلمى هزت راسها وقالت
لا يا خالو أنا عايزاك تروح لوحدك
محمود استغرب أكتر
ليه؟
قالت وهي بتعيط
لأن اللي في الشقة دي مش بتاعي لوحدي ده بتاع رامي كمان
أنا تدخلت وقلتلها
يعني إيه؟
سلمى سكتت ثواني وبعدين قالت
رامي كان بيشتغل في محل الهدوم اللي أنا كنت فيه وبعد فترة اكتشفت إنه كان بيزوّر فواتير وبيحوّل فلوس لحسابه
محمود قال
وإنتي عرفتي؟
أيوه ولما عرف إني شوفته هددني
سكتت لحظة وبعدين كملت
بس قبل ما أهرب من المحل أخدت صور للمستندات وحطيتها في فلاشة
محمود بص للفلاشة اللي في إيده
ودي الفلاشة اللي معاكي؟
سلمى هزت راسها
أيوه
أنا بصيت لها وقلتلها
طب ليه رامي لسه بيدور عليكي؟
قالت
لأنه فاكر إن المستندات الأصلية معايا
محمود وقف وقال
وهي فين؟
سلمى بصت للمفتاح وقالت
في شقته
محمود قال
إزاي؟
سلمى ردت
لما هربت منه حطيت الأوراق في مكان مستحيل يفكر يدور فيه
وبعدين قربت من محمود وقالت بصوت واطي
في الدولاب القديم اللي في أوضة أمه
محمود اتفاجئ
أمه؟
أيوه رامي كان مخبي الشقة باسم أمه ومحدش يعرف إنه بيستخدمها
أنا حسيت إن الموضوع كبر بشكل يخوف
وقلت
طب وإنتي ليه ما روحتيش جبتي الأوراق؟
سلمى نزلت عينيها وقالت
لأني كل ما كنت بحاول أروح هناك كان بيراقبني
محمود سكت شوية وبعدين قال
خلاص محدش هيروح لوحده
وبعدها اتصل بمحامي يعرفه وحكاله كل اللي حصل
المحامي نصحه إنهم ما يقربوش من الشقة ولا يلمسوا أي حاجة قبل ما يتم إبلاغ الشرطة رسميًا
وبالفعل بعد وقت قصير حضر ضابط ومعاه قوة
سلمى كانت مرعوبة وهي بتديهم المفتاح
وراحوا كلهم للشقة
وأنا فضلت في البيت مع سلمى
بعد حوالي ساعة محمود رجع
بس وشه كان متغير
بصيتله وقلتلُه
في إيه؟
قعد على الكرسي وقال
اللي لقيناه هناك أخطر بكتير من الأوراق
سلمى قامت بسرعة
لقيتوا إيه؟
محمود بص لها وقال
لقينا ملفات بأسماء ناس كتير
سلمى قربت منه
يعني إيه؟
قال
واضح إن رامي مش مجرد موظف بيزوّر فواتير
وبعدين طلع صورة من موبايله
وقال
الراجل ده كان جزء من شبكة نصب كبيرة
سلمى حطت إيدها على بوقها
وفجأة محمود قال
وفي حاجة تانية
بصيتله
إيه؟
قال
لقينا ملف باسمك يا سلمى
سلمى اتجمدت
باسمي أنا؟
هز راسه
أيوه
وبعدين سكت لحظة وقال
واللي مكتوب جواه هو السبب الحقيقي اللي مخلي رامي مستميت إنه يوصلك
سلمى بصتله وهي بتترعش
إيه اللي مكتوب؟
محمود فتح الصورة على الموبايل
وأول ما شافتها سلمى صرخت
مستحيل!
أنا قربت منها وقلتلها
إيه اللي حصل؟
بصتلي ودموعها نزلت وقالت
رامي مش هو اللي كان بيهددني
سكتت لحظة
وبعدين قالت
في حد أكبر منه هو اللي أمره يراقبني
محمود قال
مين؟
سلمى رفعت عينيها علينا وقالت اسم الشخص
والاسم ده خلاني أبص لمحمود في صدمة
لأن الشخص اللي قالت اسمه كان حد من عيلتنا إحنا سلمى قالت الاسم بصوت مكسور
عمي حمدي
أنا اتجمدت مكاني
بصيت لمحمود وقلت
حمدي أخوك؟
محمود فضل ساكت ثواني وكأنه مش قادر يستوعب
وبعدين قال لسلمى
إنتي متأكدة من اللي بتقوليه؟
سلمى هزت راسها
أنا شفت اسمه بنفسي في الورق
محمود مد إيده ياخد الموبايل وبص للصورة
وكان فيه جدول مكتوب فيه أسماء ومبالغ وتواريخ
وفي آخر الصفحة كان اسم حمدي واضح
محمود حط الموبايل على الترابيزة وقال
أنا مش مصدق
سلمى قالت
أنا كمان مكنتش مصدقة في الأول
وبعدين بدأت تحكي
بعد ما اكتشفت شغل رامي وقررت أسيب المحل هو حاول يمنعني. وفي مرة قاللي إن اللي وراه أكبر مني ومنه وإن لو اتكلمت هتندم
أنا سألتها
طب إنتي عرفتي إن عمك هو اللي وراه إزاي؟
قالت
قبل ما أهرب بيوم سمعت رامي بيتكلم في التليفون وبيقول اسم عمي حمدي
محمود ضرب إيده على الترابيزة
ليه يعمل كده؟
سلمى ردت
علشان فلوس
وبعدين طلعت ورقة من الظرف
المحل اللي كنت بشتغل فيه كان مجرد واجهة
محمود بص لها
واجهة لإيه؟
قالت
كانوا بيستخدموا فواتير مزورة عشان يهربوا فلوس من شركات تانية
أنا بصيت لمحمود وقلت
يعني سلمى كانت عارفة كل ده؟
سلمى هزت راسها
عرفت بالصدفة
وبعدين قالت
وأنا لما خفت وهربت كنت فاكرة إنهم هيسيبوني
سكتت وبدأت تعيط
بس رامي فضل ورايا
محمود قام وقال
خلاص الموضوع خرج من إيدنا
وبالفعل تاني يوم راح محمود ومعاه سلمى والمحامي وقدّموا كل الأوراق للشرطة
لكن المفاجأة إن حمدي اختفى
تليفونه مقفول
بيته مقفول
وحتى عربيته مش موجودة
مر يومين وإحنا عايشين في توتر
وفي اليوم التالت وأنا في المطبخ سمعت جرس الباب
فتحت من العين السحرية
لقيت حمدي واقف لوحده
اتخضيت وقفلت الباب بسرعة
وناديت محمود
محمود جه وبص من العين السحرية
وبعدين قال
سيبيه يدخل
بصيتله باستغراب
إنت مجنون؟
قال
لو هربان ومستخبي أكيد مش جاي هنا عشان يعمل مشكلة
فتح الباب
دخل حمدي وهو مرهق وشكله مختلف تمامًا عن كل مرة شوفناه فيها
قعد وقال
أنا عارف إنكم فاكريني مذنب
محمود رد
والأوراق؟
حمدي نزل عينه
الأوراق حقيقية
سلمى شهقت
يعني إنت اللي كنت ورا رامي؟
حمدي قال
أنا كنت عايز أخوفك بس
محمود انفجر فيه
تخوف بنت أخوك؟!
حمدي قال بسرعة
أنا غلطت بس في حاجة إنتوا مش عارفينها
محمود سكت
حمدي بص لسلمى وقال
رامي كان بيستغل اسمك من غير ما تعرفي
سلمى قالت
إزاي؟
حمدي أخرج ظرف من جيبه وحطه على الترابيزة
وقال
لأن رامي كان مزور توقيعك على مستندات بملايين الجنيهات
سلمى فتحت الظرف
وأول ما شافت الأوراق وقعت على الكرسي
وقالت
يعني أنا ممكن أتحاسب على حاجة معملتهاش؟
حمدي هز راسه
علشان كده كنت بحاول أخليكي تختفي لحد ما ألاقي دليل يثبت براءتك
محمود بص له بغضب
ولو كنت قلتلنا من الأول بدل التهديد والخوف؟
حمدي ما ردش
وفي اللحظة دي وصل للموبايل بتاع محمود اتصال من الضابط
رد عليه
وسمعناه بيقول
أيوه يا فندم
وبعد ثواني وشه اتغير
قفل المكالمة وبص لنا
وقال
رامي اتقبض عليه
سلمى تنفست براحة
لكن محمود كمل
بس قال إن فيه شخص تاني هو اللي كان بيمول كل حاجة
سلمى بصتله بخوف
مين؟
محمود رد
لسه الشرطة بتحاول تعرف
وفجأة