ام احمد المغسله بقلم هويدا زغلول
شاء الله
زينب
حاضر يا سطي فوزي انت هتوصيني على سعاد دي كفايه انها بنتك انت وانت باين عليك راجل طيب وقلبك كبير
فوزي
انا كل ما الاقي سعاد مبسوطة معاكي انتي متعرفيش انا هعمل معاكي ايه انا هخليكي ملكة يا زينب
زينب
ربنا يخليك ياسطى فوزي ان شاء الله انا هخليك تبقا مبسوط علطول انت وسعاد تعالي ياسعاد ايه رايك اجيب لك تاكلي انتي شكلك جعانة
سعاد
اااه انا جعانة انتي اسمك ايه انا عايزة انام معاكي هنا في السرير ده انتي شكلك حلو
زينب
انا أسمي زينب وانا هخليكي تنامي معايا في السرير ده بس الاول تعالي نعمل الاكل عشان تاكل انتي وابوكي ايه رايك
سعاد
ماشي يلا نجيب الاكل عشان ناكل انا جعانة اوي ياسعاد يلا بينا
كل ده وفوزي كان مبسوط من اللي سعاد بتعمله مع بنته وقال لها
انا شايف ان سعاد هتاخد عليكي علطول يا زينب الحمد لله انا كنت خاېف لتيجي تقول انها مش عايزاكي واضح انك معدنك كويس يا زينب اصل سعاد بتحس باللي بيبقا كويس واللي بيبقا وحش
زينب
الحمد لله ياسطى فوزي يلا بقا انا هدخل احضر الاكل عشان سعاد تاكل
وبعدها فعلا سعاد اخدت على زينب وفي يوم فوزي رجع وقال لزينب
تعالي يا زينب شوفي انا جبت لك ايه انتي وسعاد شوفي
زينب
الله دي حلوه اوي يا سي فوزي والشال والطرحة والهدوم دي كلها عشاني انا ربنا يخليك لينا يا رب ياخويا لا وكمان هدوم سعاد زي العسل
فوزي
طب الحمد لله ان الحاجة عجبتكم والله انا كنت خاېف لايطلع زوقي وحش ومش يعجبك بس الحمد لله انه عجبك
زينب
دي حاجات جميلة خالص تسلم ايديك ياخويا يارب انت بقا تحب تاكل ايه على الغدا ان شاء الله عشان انا ناويه اعملك كل اللي انت عايزة انت وسعاد
فوزي
والله يا زينب انا نفسي اوي اكل كوارع كده من ايدك عشان الكوارع انا بحبها ها هتعرفي تعمليها يازينب ولا ايه
زينب
طبعا ياسي فوزي الا هعرف اعملها دي ان شاء الله هعملك احلى كوارع في الدنيا كلها انت بس كده روح ورشتك هترجع تلاقي الاكل جاهز
فوزي
ماشي ياستي وعلى العموم تسلم ايديكي مقدما اسمعي خودي الفلوس دي يازينب عنيهم في مكان محدش يعرفه غيرك ماشي دي فلوس شغل وخودي دول عشانك
زينب
ياااه كل دول عشاني ياسي فوزي انشالله يارب منحرمش منك ابدا ابدا بس ده كتير اوي
فوزي
مفيش حاجة تكتر عليكي وانا بديكي فلوسي كلها اهيه عشان كمان تاخدي بالك منها انا عارف انك أمينة
زينب
دول في عنيا ياخويا اطمن ياسي فوزي اشيلهم
وبعدها مشي فوزي راح علي شغله وراحت لها نعيمة وقابلت فوزي وقالت
ازيك ياسطى يارب تكون البت زينب كويسة معاك اوعي ياخويا تكون مزعلاك لو مزعلاك قولي بس وانا اقطم لك رقبتها البت دي تربيتي
فوزي
لا لا خالص دي زينب دي مفيش منها ابدا ياريت كل الناس زيها دي كفايه ان سعاد بنتي بتحبها اوي ودايما بتحب تفضل معاها
نعيمة
طب الحمد لله ياسطى فوزي انا كنت موصياها عليك انها تاخد بالها منك ومن بنتك
فوزي
كتر خيرك ياست نعيمة روحيلها هي البيت هناك روحي تنوري
ومشيت نعيمة راحت عند زينب وقالت لها
ها يابت عامله ايه مع فوزي ده انا لسه مقبلاه وانا جايه لك دلوقتي وبيشكر فيكي اوي ايوه كده ارفعي راسي انا وعمك واعمليهم على الراجل وكمان عشان يكتب لك كل حاجة وهو مغمض عيونة
زينب
اعمل ايه عليه يا مرات عمي انا بعامل الراجل هو وبنته
عشان خاطر ربنا وبعدين الراجل مستامني على مالة وبنته وكل حاجة انتي عايزاني بقا اخليه يكتب لي ايه تاني
نعيمة
ااه انتي شكلك بقا حبيتي فوزي هيهي وماله ياختي ماهو جوزك برضو بس المهم المصلحة دي ما قولت لك وبعدين تعالي هنا انتي بتقولي مستامنك على فلوسه ازاى بقاااا
زينب
الراجل بيديني فلوسة كلها عشان انا اشيلها
نعيمة بكل غل وحقد قالت لها
بتقولي بيديكي فلوس ياما وبيديكي فلوس بمناسبة ايه بقا يابت هااا اوعي تكوني يابت بتسرقي الراجل وبتقولي كده
زينب
وانا هسرقه ليه يا مرات عمي الراجل بيديني الفلوس دي عن طيب خاطر يعني مش باخد منه حاجة من وراه ولا حاجة ڠصب عنه يعني
نعيمة
اااه طيب ياروح امك متنسيش اني انا وعمك السبب في العز اللي انتي فيه ده كله ماشي وان كان في حد يستاهل من الحب جانب يبقا انا بقا ولا ايه
زينب
تقصدي ايه يامرات عمي يعني مش فاهمة
نعيمة
لا انتي فاهمة ياروح امك كويس يعني اديني حاجة من العز اللي انتي فيه ده كله متنسيش اننا السبب فيه
زينب
انتي عايزة فلوس يعني يامرات ماشي انا هديكي الفلوس اللي انتي عايزاها هدخل اجيب لك من جوه
ودخلت زينب تجيب لها فلوس وسعاد راحت علي نعيمة وقالت لها
انتي وحشة امشي من هنا يلا امشي
زينب
عيب كده يا سعاد دي جايه ضيفه عندنا بلاش كده سبيها
سعاد
لا دي وحشة دي پتكره زينب وسعاد وتيجي هنا عايزة فلوس فلوس فلوس
نعيمة
شوفي البت قطم رقبتك يابت انتي يا متخلفة ياعبيطة
زينب
بس يامرات عمي كفايه كده ويلا بقا
