ام احمد المغسله بقلم هويدا زغلول

روحي انتي انتي مش خدتي الفلوس يلا روحي بقا
مشيت نعيمة وهي عماله ټشتم فيهم وعدت الايام وسعاد بتحب زينب وساعات تقول عليها انها وحشة وفي يوم زينب قالت لفوزي 
بقولك ايه ياسي فوزي هو انت ياخويا عندك ايه غير البيت ده هو انا برضو مش مراتك ومن حقي اعرف كل حاجة عندك
فوزي 
ايوه طبعا من حقك انا اصلا كنت ناوي اعرفك بكل حاجة يا زينب انا كتبت كل حاجة باسم سعاد بنتي كل املاكي عشان انتي عارفه انا لو جرا لي حاجة اخواتي هياخدو منها كل حاجة
زينب بضيق 
طيب وانت ازاى تعمل كده يا فوزي ولما تكتب لبنتك اللي هي اصلا مفيهاش عقل دي كل حاجة تفتكر هي هتعرف اصلا ان ليها حاجه دي متعرفش حاجة ابدا
فوزي قام وقف وهو بيزعق وقال 
اسمعي يا زينب انتي ملكيش دعوة بنتي عامله ازاي ولا مش عامله ازاي انا حر اعمل البي انا عايزة دي املاكي وانا حر فيها اناي سامعه وبعدين انا هسيب لك الشقه دي باسمك وباقي البيت باسم سعاد والورشة والأرض باسم سعاد انتي فاهمة ولا لا
وبعدها فوزي وقع في الأرض وزينب بسرعه جابت له الدكتور وأخواته قالو لها
هو ايه اللي حصل ياست زينب هو زعل من حاجة ولا حاجة
زينب 
لا خالص ياسي جمال ده كان بيتكلم عادي خالص راح واقع الدكتور قالي دي جلطة بسيطة وان شاء الله يخف منها بس بعد العلاج
جمال 
إن شاء الله يبقا كويس طيب انتي مش محتاجة حاجة ياست زينب قولي لو محتاجة
زينب 
كتر خيرك ياخويا مع السلامه
وعدت الايام وزينب بتخدم فوزي ونعيمة راحت عندها وقالت لها 
ااه ياموكوسة بقا معرفتيش تخليه يكتب لك حاجة وهو الراجل ده مش بيفهم هو دلوقتي

كتب لبنته المتخلفه دي ازاى هي هتعمل ايه بكل ده
زينب 
معرفش يامرات عمي وبعدين الراجل بين الحياه والمۏت ارحميني بقا وكفايه اللي انا فيه وبعدين انا مستنية ېموت واخلص بقا انا تعبت من خدمتة وهو عيان كده
سعاد شافت نعيمة وزينب وقالت لهم 
انتو وحشين انتو عايزين ابويا مووت عشان تاخدوا فلوووس ااه
زينب
بس ياسعاد عيب كده بلاش اللي انتي بتقوليه ده وادخلي جوه يلا ادخلي
ودخلت سعاد الاوضة ونعيمة قالت
البت دي وابوها لازم يروحو يازينب انتي تصرفي واعملي اي حاجة عشان يبان طبيعي عشان تورثي
زينب. 
انا اصلا زهقت وقرفت من خدمتة هو بنته انا هتصرف
وبعدها بكام يوم زينب حطت جرعه زياده من الدوا بتاع فوزي وراح علطول واتقفت عضلة القلب واخواتة جابو الدكتور وقال إن الوفاه طبيعيه واتدفن فوزي وسعاد مشيت راحت بيت عمها وزينب قالت له
معلش يا سي جمال انا مش عارفه ازاى البت تيجي لك كده لوحدها من غير ما تقولي وبعدين انا بقلق عليها
جمال
معلش يا ست زينب انتي عارفه ان سعاد كانت متعلقه بابوها اد ايه وكانت عايزاه يفضل معاها علطول هو بقا ربنا اختارة وراح وسبها
زينب
بس برضو ياسي جمال المفروض انها تفضل هنا في البيت انا ببقا قلقانة عليها خالص
جمال
خلاص انا اتكلمت معاها انها متمشيش من البيت من غير ما تقولك مش كده يا سعاد
سعاد
انا عايزة ابويا عايزة اروح لابويا وديني عند ابويا عايزة ابويا
جمال
لا حول ولا قوة الا بالله ربنا يصبرك يا سعاد اسمعي ياست زينب احنا عارفين ان اخونا كاتب كل حاجة لسعاد واحنا اصلا عمرنا ما طمعنا فيه ولا قولنا اننا عايزين منه حاجة وكل حاجة بتاعت بنته فانتي اللي هتبقي وصية عليها انا هعملك توكيل بالتصرف في كل حاجة
زينب عيونها لمعت من الفرحة بس طبعا مبينتش قدامه وقالت له
توكيل ايه بس وكلام فارغ ايه ياسي جمال انا مش عايزة عايزة ياخويا ده مال سعاد وهي بقا ليها التصرف فيه
جمال
تصرف ايه بس ياست زينب انتي مش شايفه حالة البت عامله ازاي لا المفروض كان اخويا يخلي كل حاجة ليكي انتي بس هو بقا ربنا افتكرة بعد ما كتب لبنته كل حاجة انتي عارفه اصلا ياست زينب ان لو سعاد راحت انتي هتاخدي كل حاجة عشان بقولك انتي تستاهلي كل خير كفايه انك شيلتي اخويا في مرضة وبنته كمان انتي شيلاها
زينب
والنبي ياسي جمال انا بعمل كده عشان خاطر ربنا هو والواحد بيعامل مين غير ربنا وربنا بقا يقدرني على اد اللي بعمله
جمال
على العموم انا قولت لك اللي فيها يا ست زينب بالاذن انا بقا
ومشي من عندها وسعاد قالت لها
انتي وحشة يا زينب انتي وحشة وانا مبقتش احبك عشان انتي موتى ابويا ااه انتي موتى ابويا وانا هاقول لعمي وكل الناس
زينب
يلهوي انتي بتقولي ايه وانتي عرفتي منين الله يخربيتك اكتمي يابت بدال ما اكتمك اكتمي
وعدت الايام ومشيت سعاد ومحدش عرف عنها حاجة وزينب قالت لجمال
يعني هتكون راحت ماهي كانت بتيجي لك علطول تكون راحت فين بقا انت مش عارف يعني
جمال
والله انا ما اعرف هي فين يا ست زينب انا لو اعرف هنكر انها عندي ليه بس وبعدين البنت كانت بتيجي عندي وانا برجعها تاني
زينب
انا بقا معرفش الكلام ده انت شكلك اخدت البت وخبيتها ولا يمكن عملت فيها حاجة عشان تبتذني بالفلوس وتاخد كل حاجة ابوها سيبها لها مش كده
جمال
انا لو طمعان في حاجة ياست زينب انا مش هعمل حاجه في
بنت